La Loxa

La Respetable Loxa El Trabayu prende les sos lluces en Xixón el 17 de payares de 2018 compuesta por 18 masones de diferentes graos. Adscrita a la Orde Masónica Mixta Internacional El Derechu Humanu – Le Droit Humain, quedando rexistrada col nº2.087 y xuntándose a les otres cuatro Loxes masóniques que veníen trabayando n’Asturies, siendo’l nuestru oxetivu’l d’afitar un espaciu de trabayuo individual y colectivu onde poder desendolcar los nuestros valores y ideales en favor d’una sociedá meyor.

Mixta, como nun podía ser d’otra manera, la Respetable Loxa El Trabayu trabaya nel Ritu Escocés Antiguu y Aceptáu (R.E.A.A) y adopta como propios los fundamentos de la propia Orde, asina como la so constitución internacional.

Los nuestros trabayos fáense dos veces al mes, en sábadu pela mañana, ente los meses de setiembre y xunu, y desendolcámoslos nun ambiente de fraternidá y de construcción colectiva ideal pa facer un bon trabayu y pañar bonos frutos del mesmu.

Adoptamos el nome El Trabayu por trés razones fundamentales:

La primera ye que’l trabayu ye lo que facemos pa meyorar nós mesmos y aquello que mos arrodia. Non siempre ye xera prestosa pero non por ello dexa de ser necesaria. Recuérdanos el deber y la responsabilidá.

La segunda es qu’hubo n’Asturies, concretamente en Trubia, una loxa llamada El Trabajo ente 1872 y 1892, formada na so gran mayoría por trabayadores de la Fábrica d’Armes d’esi llugar, con un altu compromisu social y políticu. Creemos que ye un xustu homenaxe compartir nome con quien fueron pioneros n’Asturies en dignificar a la clase obrera dende los principios de llibertá, igualdá y fraternidá.

La tercera ye que, al poner el nome del nuestru taller n’asturianu, reivindicamos el papel que tien de xugar la nuestra llingua vernácula, tradicionalmente arrequexada, nel futuru de la sociedá asturiana. El trabayu tamién ye acabar colos prexuicios pa con un idioma que tamién queremos usar con naturalidá nel nuestru llabor masónicu.